Qısa videoların yaradılması və baxılması xidməti üçün TikTok mobil tətbiqi yenidən ABŞ-də istifadəçilər üçün əlçatan olub.

"Unikal" xəbər verir ki, istifadəçilər proqrama daxil olarkən belə bir mesajla qarşılaşırlar:

"Yenidən xoş gəlmisiniz. Səbriniz və dəstəyiniz üçün təşəkkür edirik. ABŞ Prezidentinin (Donald Tramp - red.) səyləri sayəsində TikTok ABŞ-yə qayıdıb”.

“Davam et” düyməsini basdıqdan sonra xidmət normal rejimdə işləyir. Bununla belə, proqram hələ də "Apple App Store"da yükləmək üçün mövcud deyil.