Masallı rayonunda ağır yol qəzası baş verib. 

"Unikal"ın məlumatına görə, hadisə rayonun Ərkivan qəsəbəsində qeydə alınıb.

Belə ki, iki minik avtomobilinin toqquşması nəticəsində 6 nəfər xəsarət alıb. Onlar rayon xəstəxanasına çatdırılıb.

Hadisə ilə bağlı TƏBİB-dən "Unikal"ın sorğusuna cavab olaraq bildirilib ki, yol-nəqliyyat hadisəsi nəticəsində xəsarət alan 6 nəfər (kişi cinsli) Masallı Rayon Mərkəzi Xəstəxanasına hospitalizasiya olunub.

Bədənin müxtəlif nahiyələrinin travmaları diaqnozları qoyulan şəxslərin hər birinə zəruri tibbi xidmətlər göstərilib.

Onlardan 3 nəfər ambulator müalicə üçün evə buraxılıb. 3 nəfərin müalicəsi isə xəstəxananın Cərrahiyyə şöbəsində davam etdirilir. Vəziyyətləri stabil olaraq qiymətləndirilir.

Faktla bağlı araşdırma aparılır. 

Xəlil Əliyev