Cənubi Koreyanın KF-16 qırıcıları təlimlər zamanı səhvən yaşayış məntəqəsinə bomba atması nəticəsində ən azı 15 nəfər yaralanıb.

"Unikal" xəbər verir ki, bu barədə "Yonhap" xəbər agentliyi məlumat yayıb.

Sursat Poçeon şəhərinin İdonq rayonunun Noqok kəndinə düşüb. Hadisə nəticəsində kilsə də daxil olmaqla 7 binaya ziyan dəyib.

Məlumatda bildirilir ki, iki nəfər ağır yaralanıb və xəstəxanaya yerləşdirilib. Bununla belə, onlar qeyd ediblər ki, xəsarətlərin ağırlığına baxmayaraq, zərərçəkənlərin həyatı üçün təhlükə yoxdur. Daha səkkiz nəfər yüngül xəsarət alıb və onlar da xəstəxanadadır.

Qeyd olunur ki, hakimiyyət yaralıların sayının artacağını gözləyir.

***09:05

Cənubi Koreya Hərbi Hava Qüvvələrinin qırıcı təyyarələri təlimlər zamanı səhvən mülki yaşayış məntəqəsinə 8 bomba atıb.

"Unikal" xəbər verir ki, bu barədə "Yonhap" agentliyi məlumat yayıb. 

Hadisə Kyonnggido şəhərindəki "Pocheon Promotion" poliqonunda baş tutan ABŞ-Koreya birgə təlimləri zamanı baş verib. 

Bombalar 7 şəxsi evə və kilsəyə ziyan vurub, 7 nəfər yaralanıb. Onlardan 4-nün vəziyyəti ağırdır. 

Cənubi Koreya Hərbi Hava Qüvvələrinin mətbuat xidməti üzr istəyib və dəymiş bütün zərərləri ödəyəcəyini bildirib.

Gülayə Mecid