Kollektiv Təhlükəsizlik Müqaviləsi Təşkilatı (KTMT) Ermənistanla Azərbaycan arasında sülh müqaviləsinin mümkün qədər tez imzalanmasını gözləyir.

"Unikal" TASS-a istinadən xəbər verir ki, bunu KTMT-nin baş katibi İmanqali Tasmaqambetov deyib.

"Qafqazda müəyyən müsbət irəliləyişlər var. Bu, Ermənistan və Azərbaycan Respublikasının iki ölkə arasında danışıqların başa çatması və dövlətlərarası sənədin mətni üzrə razılaşmaya dair bəyanatıdır", - deyə o, KTMT Parlament Assambleyasının (PA) Şurasının iclasında bildirib.