İranın xarici işlər naziri Abbas Əraqçi bildirib ki, İsrail nazirin yaşadığı evlə üzbəüz evə bomba yerləşdirərək onu öldürməyi planlaşdırıb.

"Unikal" xəbər verir ki, “Bizim yaşadığımız ərazidə üzbəüz evə bomba qoyulub” deyən Əraqçi həmçinin bildirib ki, İslam Əməkdaşlıq Təşkilatı Xarici İşlər Nazirləri Şurasının 51-ci iclasında (21-22 iyun) iştirak etdiyi Türkiyəyə səfəri zamanı onun müşayiəti dəfələrlə İsrailin pilotsuz təyyarələrini görüb.

Buna cavab olaraq mobil telefonların söndürülməsi də daxil olmaqla təhlükəsizlik tədbirləri görülüb.