Britaniya, Avropa və Millətlər Birliyi çempionu, keçmiş  boksçu Co Buqner 75 yaşında Avstraliyada vəfat edib.

"Unikal" xəbər verir ki, Macarıstanda doğulan, sonradan Britaniyaya köçən Buqner 1970-ci illərdə dünyanın ən güclü ağır çəkili boksçularından biri idi. O, rinqdə Məhəmməd Əli, Co Freyzer, Frenk Bruno və digər ulduzlarla qarşılaşıb, dözümlülüyü ilə tanınıb.

Karyerasında 83 döyüş keçirən Buqner həmçinin aktyor kimi filmlərdə rol alıb və televiziya şoularında çıxış edib.