Hafiz Məmmədovun pulları Valdiviyanı dilə gətirdi
Hafiz Məmmədovun pulları Valdiviyanı dilə gətirdi

"Lans"a gəlişim yaxşı qarşılandı. Mənə olduqca çox maraq göstərildi". Bunu "Lans"ın yarımmüdafiəçisi Pyerrik Valdiviya deyib.
"Lion"un yetirməsi olan Valdiviya 2012-ci ilin iyulunda "Bakı"nın prezidenti Hafiz Məmmədovun sponsorluq etdiyi "Lans"la 3 illik müqavilə bağlayıb. 10 gündən sonra 26 yaşını qeyd edəcək fransalı futbolçu klubunun rəsmi saytına Lansdakı karyerasından danışıb: "Ötən mövsüm çox uzun və çətin oldu. Çünki biz klubda işlərin necə olacağını bilmirdik. Xoşbəxtlikdən bizə bu məsələni yoluna qoymaq müyəssər oldu! Bu mövsüm əsas səhmdar Hafiz Məmmədovun meydana çıxması və klub prezidenti Jerve Martelin qayıtması ilə qarşımıza müxtəlif hədəflər qoyuldu. Bu 2 il çox fərqli oldu. Burda olmaqdan şadam".