Kəmaləddin Heydərov şeyx Rəşidin dəfninə gedib
Bir neçə gün əvvəl qəflətən dünyasını dəyişən BƏƏ-nin vitse-prezidenti və Baş naziri, Dubayın Əmiri Şeyx Məhəmməd bin-Rəşid Əl-Maktumun oğlunun ölümü dünya mediasının əsas müzakirə mövzusuna çevrilib.
Gənc şeyxin ölümü ilə bağlı bir çox ölkənin liderləri başsağlığı mesajları yayıblar. Bildiyimiz kimi şeyx və varisi dəfələrlə Azərbaycanda rəsmi və qeyri-rəsmi səfərlərdə olublar. Onların Azərbaycanın yüksək çinli məmurları ilə dostluq münasibətləri olub. Elə şeyxin qəfil ölümündən sonra da Azərbaycandan dəfn mərasimində kimin iştirak edəcəyi maraq doğururdu.
Saytın əldə etdiyi məlumata görə, bu mərasimdə Azərbaycanın Fövqəladə Hallar naziri Kəmaləddin Heydərov şəxsən iştirak edib. Nazir dəfn mərasiminə qatılaraq dövlət başçısı İlham Əliyevin başsağlığı məktubunu şeyxin ailəsinə çatdırıb.