Türkiyə "Qazprom"a Rusiyadan qaz tədarükü həcmlərinin artırılması xahişi ilə müraciət edib.
Unikal.org RİA Novosti-yə istinadən məlumat verir ki, "Qazprom"a 28 oktyabr tarixi üçün müraciətdə tədarük həcmi 9,3% artaraq sutkada 82,1 milyon kubmetr təşkil edir.
"Qazprom"dan bildiriblər ki, şirkət həmişə olduğu kimi bu dəfə də tədarüklə bağlı müraciəti yerinə yetirəcək.
Əvvəl xəbər verildiyi kimi, İrandan Türkiyəyə qaz ötürən kəmərdə partlayış baş vermiş, qaz tədarükü bu səbəbdən dayanmışdı.
