Hər zaman ənənəsinə sadiq qalan Azərbaycan Dövlət Gənc Tamaşaçılar Teatrı həftə ortasından başlayaraq - dekabrın 21-də saat 19:00-da T.Vəliyevanın "Cəza (kiçik səhnədə), 23 dekabrda saat 12:00 - 14:00-da R.Hovard "Qrinç, axşam saat 19:00-da Ə.Əmirli və V.Şuqrayevanın "Qohumlar tamaşalarını nümayiş etdirəcək.
Teatrdan unikal.org-a verilən məlumata görə, dekabrın 24-ü bazar günü isə teatr saat 10:00, 12:00 və 14:00-da H.X.Andersonun "Çirkin ördək balası, axşam saat 19:00-da isə M.F.Axundzadənin "Müsyö Jordan və Dərviş Məstəli şah komediyasını təqdim edəcək.
Tamaşalarda əsas obrazları teatrın aktyorları əməkdar artistlər Naibə Allahverdiyeva, Nəsibə Eldarova, Şəfəq Əliyeva, Almaz Mustafayeva, Elşən Rüstəmov, Şövqü Hüseynov, Gülər Nəbiyeva, aktyorlar, Ramil Məmmədov, Müşfiq Əliyev, Kərəm Hadızadə, Elnur Hüseynov, Elnur Kərimov, Anar Seyfullayev, Günel Məmmədova, Xəyalə Mərdanova, Nuranə Hüseynova və başqaları ifa edəcəklər.
Qeyd edək ki, tamaşalara biletləri 6-8 manat olmaqla bütün konsert-tamaşa müəssisələrində fəaliyyət göstərən mərkəzləşdirilmiş kassalardan və ASAN xidmət filiallarından (www.ticket.az online sifariş etmə yolu ilə) da əldə etmək mümkündür.
