Qələbə qazana bilməyən baş məşqçini qovublar. Hadisə Qazaxıstanda baş verib. Ölkənin yığmasının baş məşqçisi Aleksandr Borodyuk istefaya göndərilib.

Unikal.org xarici mətnuata istinadən xəbər verir ki, Qazaxıstan Futbol Federasiyasında 2017-ci ilin hesabatı dinlənilib. Yığmanın ötən ildəki çıxışı uğursuz qiymətləndirilib və rusiyalı mütəxəssislə yollar ayrılıb.

Borodyuk özü də fəaliyyətinin uğursuz olduğunu etiraf edib.

O, Qazaxıstan yığmasına 2017-ci ilin fevralından rəhbərlik edirdi. Onunla 3 illik müqavilə bağlanmışdı.

Qazaxıstan yığması Borodyukun rəhbərliyi altında keçirdiyi 7 oyundan 6-sında məğlub olub, 1 qarşılaşmada isə heç-heçə edib.