Xəbər verdiyimiz kimi, Türkiyə tərəfindən İnterpol vasitəsilə axtarışa verilən PYD/PKK terror təşkilatının keçmiş rəhbəri Salih Müslim Çexiyanın paytaxtı Praqada saxlanılıb.

Unikal.org xarici mətbuata istinadən xəbər verir ki, Çex məhkəməsinin 8 dəqiqəlik dindirməsindən sonra Salih Müslim sərbəst buraxılıb.

Reuters xəbər agentliyinin yaydığı məlumata görə, məhkəmə hakimi Saleh Müslimin 8 dəqiqəlik fikrini dinlədikdən sonra, onu sərbəst buraxmaq qərarını verib. 

Türkiyənin Çexiyadakı səfiri Əhməd Necati Bigalı Habertürk TV-yə bildirib ki, məhkəmə Türkiyənin gözləmədiyi qərarı verib: "Heç gözləmədiyimiz bir qərar idi. Türkiyə olaraq Praqa məhkəməsinin bu qərarını kədərlə qarşılayırıq. Bu qərardan məmnun deyilik. Bu Türkiyə ilə Avropa arasında ekstradisiya müqaviləsinə zidd bir qərar idi. Təəssüf ki, Çexiya Məhkəməsi ikitərəfli münasibətlərimizə təsir göstərəcək mənfi bir qərar verdi".

Qeyd edək ki, Salih 2010-cu ildə PYD-nin lideri olub.