Yaponiyanın 2-ci liqa klublarından olan "Albireks Niiqatanın futbolçusu Fumiya Hayakava azarkeşlərin sayəsində sağlığına qovuşub.

Unikal.org xəbər verir ki, klubun rəsmi saytından verilən açıqlamada, 2017-ci ildən ağ qan xərçəngindən əziyyət çəkən 28 yaşlı futbolçunun sağalma dövründə olduğu bildirilib.

Açıqlamada, klubun azarkeşlərinin yaratdığı fondla bağlı da məlumat verilib. Belə ki, azarkeşlər futbolçunun müalicəsi üçün pul toplamağa başlayıblar. Müalicə dövründə 27 milyon Yaponiya pulu - yeni toplamağa müvəffəq olan azarkeşlər, sevimli futbolçularının sağalmasında böyük pay sahibi olublar.