Sankt-Peterburqun Nevski rayon məhkəməsi millətçi qruplaşmanın lideri Dmitri Bobrovun azad edilməsi ilə bağlı qərar çıxarıb.

Unikal.org xəbər verir ki, bu haqda “İnterfaks” məlumat yayıb.

Onun azadlığa çıxmasına zəmin Rusiya Cinayət Məcəlləsinin 282-ci maddəsinin qismən dekriminilizasiyası olub.

2000-ci illərin əvvəllərində fəaliyyətdə olan “Şults-88” ekstrimist qruplaşmasına başçılıq etmiş D.Bobrov 2017-ci ildə sosial şəbəkələrdə etnik-milli zəmində ədavət salma cəhdlərinə, o cümlədən sosial şəbəkələrdə paylaşdığı yazılara görə iki il azadlıqdan məhrum edilmiş və ciddi rejimli cəzaçəkmə müəssisəsinə yerləşdirilmişdi.

Bobrov hökm oxunan gün məhkəmə iclasına gəlmədiyindən axtarışa verilmişdi. 2019-cu ildə isə hüquq mühafizə orqanları əməkdaşları onu saxlayaraq, həbsxanaya göndərib.

2017-ci ildə məhkəmə prosesi zamanı oxunmuş ittihamnamədə, millətçinin bioqrafiyasından səs-küylü epizodlar yer alıb. Onun Nevski rayonu ərazisində yerləşən kafeyə hücum edəcək, azərbaycanlını döyməsi, “Dostoyevski” metrostansiyasında iki çinli tələbəyə hücumu, “Aleksandrovskaya” dəmiryolu stansiyasında ermənilərə hücumu qeyd olunub.