Türkiyənin hakim Ədalət və İnkişaf Partiyası (AKP) bələdiyyə seçkilərinin yekunları ilə bağlı İstanbulun 39 rayonunda etiraz aksiyası keçirəcək.

Unikal.org-un məlumatına görə, AKP bu şəhərdə nəticələrin saxtalaşdırıldığını iddia edir.

Qeyd edək ki, Türkiyə Mərkəzi Seçki Komissiyasının sədri Sədi Güvən İstanbulda bələdiyyə seçkilərinin nəticələrinin dəyişməz qalacağını demişdi.

O bildirmişdi ki, nəticələrdən narazı qalanlar şikayət ərizəsi ilə müraciət edə bilərlər.

Xatırladaq ki, martin 31-də Türkiyədə bələdiyyə seçkiləri keçirilib. Seçkilərdə 14 partiya iştirak edib.

İstanbul üzrə Xalq Respublika Partiyasının namizədi Ekram İmamoğlu 4,159 milyon səs topladığı halda, hakim partiyanın (AKP) namizədi Binəli Yıldırım 4, 131 milyon səs yığıb.