Qarabağın Füzuli rayonunun strateji yüksəkliklərindən biri olan Məngələn Ata 1993-cü ildə ağır döyüşlərdən sonra düşməndən azad edilir.
Azərbaycan əsgərlərinin həmin yüksəkliyə qalxmasını, burada döyüşləri necə davam etdirdiyini ANS-in əməkdaşı Mir Şahin lentə alıb.
Videotəsvirdən aydın şəkildə görünür ki, bölgədə döyüşlər hələ də davam edir, yaralılar var. Azərbaycan əsgərləri azad edilən yüksəklikdən erməni silahlı bölmələrinin mövqelərini atəşə tutur. Əsgərlər ANS-in əməkdaşına deyir ki, yüksəkliyə nəzarəti saxlamaq üçün əlavə canlı qüvvəyə, silah-sursata ehtiyac var.
Görünür, həmin vaxt kömək və silah-sursat gəlmədiyi üçün Məngələn Ata yüksəkliyi hazırda düşmən tapdağı altındadır.
