Rusiya millisinin sabiq üzvü, hazırda Tulanın “Arsenal” klubunda məşqçi kimi fəaliyyət göstərən İqor Semşovun evi qarət olunub.

Unikal.org Rusiya mətbuatına istinadən xəbər verir ki, dörd nəfər maskalı şəxs İ.Semşovun Maslovo vilayətində yerləşən evinə basqın edib. Hadisə zamanı evdə Semşovun həyat yoldaşı Larisa və uşağı olub.

Larisa cinayətkarları evdən qovmaq istəsə də, bu cəhd uğursuz olub və evə girən şəxslərdən biri ona zərbə endirib.

Hadisədə Semşovun evindən 20 milyon rubl dəyərində bahalı saatlar və zinyət əşyaları oğurlanıb.