Xəbər verdiyimiz kimi, Şirvanda yeni doğulmuş körpə küçəyə atılıb.

Unikal.org hadisənin təfərrüatlarını öyrənib.

Məlumata görə, şəhərin Leytenant İbrahimov küçəsi 18-də binada yaşayan sakinlər blokda yeni doğulmuş körpə aşkarlayıblar. Sonra hadisə barədə polisə məlumat verilib.

Hadisə yerinə gələn polis əməkdaşları körpəni Şirvan Şəhər Mərkəzi Xəstəxanasının doğum şöbəsinə təhvil veriblər. Onun 2-3 günlük qız uşağı olduğu müəyyənləşib. Körpənin vəziyyəti stabildir.

Hazırda Şirvan şəhər Polis Şöbəsinin əməkdaşları körpənin kim tərəfindən atıldğını müəyyənləşdirmək üçün zəruri tədbirlər görür.