Bu gün Azərbaycan Premyer Liqasında XIII tura yekun vurulub.

Unikal.org xəbər verir ki, turun son günündə bir oyun keçirilib.

Günün yeganə qarşılaşması “Bank Respublika Arena”da baş tutub. Turnir cədvəlinin ikinci yarısında qərarlaşan “Sabah” öz meydanında son çempion “Qarabağ”ı qəbul edib.

Yarışın lideri paytaxt klubunun müqavimətini qırmaqda çətinliklə üzləşib. Qurban Qurbanovun yetirmələri yalnız qarşılaşmanın sonlarında qələbə qoluna imza atmağa nail olub. “Qarabağ” bu qələbə ilə ən yaxın izləyiciləri ilə xal fərqini 8-ə çatdırıb.

Qeyd edək ki, turun əvvəlki oyunlarında “Qəbələ” “Zirə”ni 3:0, “Keşlə” “Sumqayıt”ı 2:1 hesabı ilə yenib, “Səbail” – “Neftçi” qarşılaşmasında qol vurulmayıb.