"Maariflənmiş Ermənistan" fraksiyasının rəhbəri Edmon Marukyan parlamentin buraxılması halında özünü baş nazir vəzifəsinə irəli sürmək niyyətində olduğunu bildirib. 

Unikal.org erməni KİV-ə istinadən xəbər verir ki, Parlamentdəki brifinq zamanı Marukyan, fraksiyasının və hakim blokun gündəminin fərqli olduğunu qeyd edib.  

“İnanırıq ki, ölkədə keçid hökuməti qurulmalıdır, baş nazir vəzifəsinə namizəd olaraq PA məni irəli sürür. Biz "Çiçəklənən Ermənistan" fraksiyası ilə hakimiyyətin gündəmi ilə razılaşmırıq. Müxalifətin baş nazir postuna öz namizədini irəli sürməməsi lazım olduğu barədə bir memorandum imzalayaraq bir ön şərt qoydular. Hakim fraksiya gündəminə görə nəyin bahasına olursa olsun erkən seçkilər keçirmək istəyir, amma gündəmimiz hələ də var", - deyə Marukyan bildirib. 

Millət vəkili qeyd edib ki, baş nazir seçiləcəyi təqdirdə erkən seçki keçirəcəyinə söz verdiyi əks-memorandumu imzalamağı təklif edib. Bununla birlikdə, Marukyan hakim fraksiya ilə konsensus əldə etməyin mümkün olmadığını da vurğulayıb.