Türkiyənin Antalya  şəhərində 5 gündür itkin düşən jurnalistika fakültəsinin tələbəsi Azra Gülendam Haytaoğlunun parçalanmış cəsədi tapılıb. 

Unikal.org xəbər verir ki, 26 yaşlı Azranın 5 parçaya  ayrılmış cəsədi meşəlik ərazidə  tapılıb. Belə  ki,  Azranın ölümünə  səbəb kirayə qaldığı evin sahibi  olub. Bildirilir ki, gənc qız itkin düşməmişdən bir neçə gün öncə koronavirus testi verib. Test nəticəsinin pozitiv çıxmasından sonra  gənc qız ailəsi  tərəfindən qınanılıb. Azrada buna görə  sağalana kimi, kirayədə  qalacağını və evə qayıtmayacağını bildirib. Daha sonra ailəsi onunla  əlaqə saxlaya bilməyib. 

Polisə müraciət  edən ailə Azranın axtarışlarına başlayıb.Polis qızın getdiyi yerlərin kamera görüntülərini əldə  edib. Aparılan araşdırma da məlum olub ki, gənc qız əmlakçı tərəfindən vəhşicəsinə  öldürülüb. 

Belə ki, Azra  kirayə tutduğu evin sahibi tərəfindən gecə saatlarında təcavüzə məruz qalıb. Gənc qız ondan qaçıb gizlənməyə çalışsa da, buna nail ola bilməyib. M.M adlı şəxs onu hamamda vəhşicəsinə  öldürüb. O, cinayətin izini itirmək üçün gənc qızın cəsədini parçalara ayıraraq, çamadana yığıb. 

Sonra isə həmin çamadanları meşəlik ərazidə  gizlədib. Qısa zamanda cinayətin üstü açılıb. 26 yaşlı Azranın cəsədi  tibbi  ekspertizaya göndərilib. Məlum olub ki, gənc ölməmişdən əvvəl təcavüzə məruz qalıb. Daha sonra isə  vəhşicəsinə  qətlə yetirilib. 

30-40 yaşlarında olan əmlak sahibi  M.M isə  polis tərəfindən saxlanılıb. Onun barəsində qətimkan tədbiri seçilib. 

Qeyd edək ki,  Azra Gülendam Haytaoğlu  Akdeniz Universitetində Jurnalistika  fakültəsinin tələbəsi imiş.