Müdafiə naziri Aleksey Reznikov separatçıların tanınmamış Dnestryanı ərazisində (Moldova) hərbi təlimlərini komediya adlandırıb. 

"Unikal" Ukrayna mətbuatına istinadən xəbər verir ki, Reznikov Ukraynanın hər tərəfdən gələn zərbənin qarşısını almağa hazır olduğunu bildirib. 

"Ukrayna Silahlı Qüvvələri istənilən tərəfdən gələn zərbənin qarşısını almağa hazırdır. Bütün döyüş bölmələrimiz hazırlıq vəziyyətinə gətirilib. Strateji ehtiyatlar hazırlanıb: yanacaq və sursat, ona görə də sürprizimiz yoxdur. Ukraynalı “Bayraktarlar” havadadır. Ona görə də biz istənilən ssenariyə hazırıq”, - deyə o, əlavə edib.

Bundan əlavə, Reznikov Dnestryanıdan potensial təhlükəni qiymətləndirib. Onun sözlərinə görə, bu, "qeyri-ciddi ssenaridir": "Rusiya kontingenti tərəfindən müvəqqəti işğal olunmuş Dnestryanı bölgədə keçirilən təlimlər informasiya müharibəsinin elementi kimi istifadə edilən komediyadır (fars). Bu da öz növbəsində hibrid müharibənin tərkib hissəsidir".