Moskvada 31 yaşlı qadın başından güllə yarası alıb.

"Unikal" xəbər verir ki, bu barədə REN telekanalı öz mənbəsinə istinadən məlumat yayıb.

Onun sözlərinə görə, hadisə avqustun 28-də Moldavskaya küçəsində baş verib. Dostunu ziyarətə gələn qadın karaoke mahnıları oxuyaraq əylənmək qərarına gəlib. Onlar bir müddət sonra eyvanda mahnı oxumağa başlayıblar.

Səs-küydən narazı qalan qonşu evdən paytaxt sakinlərinə atəş açılıb. Qadınlardan biri başından güllə yarası alıb. Ona göz almasının əzilməsi və buynuz qişasının yarası diaqnozu qoyulub.

Faktla bağlı cinayət işi açılıb, hüquq-mühafizə orqanlarının əməkdaşları hadisənin təfərrüatlarını araşdırır.