Rusiya Mülki Komitəsinin Baş Şurasının sədri Artur Şlıkov komediya aktyoru Aleksandr Qudkovun “Mən darıxıram” adlı parodiya klipinə görə cinayət işinin başlanması xahişi ilə Baş Prokurorluğa müraciət göndərib.

"Unikal" xəbər verir ki, Şlıkovun sözlərinə görə, komitənin ekspertləri Qudkovun klipində “rus vətənpərvərlərinə qarşı milli zəmində şərəf və ləyaqəti alçaltmaq cəhdini” görüblər.

Bu səbəbdən onlar bu videoya hüquqi qiymət verilməsi üçün Rusiya Federasiyasının İstintaq Komitəsinə müraciət ediblər, Baş Şuranın rəhbəri izah edib.

Onun sözlərinə görə, video Yaroslav Dronovun (ŞAMAN) “Mən rusam” vətənpərvər mahnısının parodiyasıdır.

Bu yaxınlarda YouTube-da yayımlanan Aleksandr Qudkovun “Mən darıxıram” klipi hazırda 1,1 milyon baxış toplayıb.

Şlıkovun müraciətini dərc edən Mash Telegram kanalının məlumatına görə , o, Baş Prokurorluqdan Qudkova qarşı 282-ci maddə - “Nifrət və ya düşmənçiliyin salınması, habelə insan ləyaqətinin alçaldılması” ilə cinayət işi başlanmasını xahiş edir. Bu maddə ilə cəza 500 min rubla qədər cərimə və ya iki ildən beş ilədək müddətə azadlıqdan məhrum etməni nəzərdə tutur.