Böyük Britaniya İcmalar Palatasının Rəhbəri Penni Mordaunt ölkənin baş naziri postuna namizədliyini irəli sürüb.

"Unikal" xəbər verir ki, bu barədə o, özünün "Twitter" hesabında yazıb.

O, ölkəni birləşdirmək, Mühafizəkarlar Partiyasının hədəflərini yerinə yetirmək və partiyanın növbəti seçkilərdə qələbəsini təmin etmək üçün namizəd olduğunu bildirib.

Mordaunt 2021-2022-ci illərdə Britaniya hökumətinin Beynəlxalq Ticarət Departamentində dövlət naziri olub.

Xatırladaq ki, Britaniyanın baş naziri Liz Trass təyin edildikdən 44 gün sonra istefa verib.