ABŞ-də güclü qar yağıb. Bu səbəbdən mindən çox reys ləğv olunub.

"Unikal" xəbər verir ki, ləğv edilən uçuşların təxminən yarısı Minnesota, Ayova, Şimali Dakota, Cənubi Dakota və Viskonsin ştatlarının ən böyük ticarət hava limanı olan Minneapolis/Sent Pol Beynəlxalq Hava Limanına aiddir.

Təxirə salınan uçuşların daha 11%-i Denver hava limanının (Kolorado) payına düşüb.

Bildirilir ki, Minneapolisə 13 sm qar yağıb, gün ərzində qar örtüyünün daha 30 sm artacağı gözlənilir. Bundan əlavə, güclü küləyin əsəcəyi proqnozlaşdırılır.