Dünya Bankının (DB) yeni prezidenti Mastercard-ın keçmiş rəhbəri Ajay Banqa olub.

"Unikal" xəbər verir ki, bu barədə DB-nin mətbuat xidməti məlumat yayıb. 

“Dünya Bankının İcraçı Direktorları bu gün Ajay Banqanı 2023-cü il iyunun 2-dən başlayaraq beş il müddətinə Dünya Bankının prezidenti seçiblər”, - deyə məlumatda bildirilir.

Bundan əvvəl ABŞ prezidenti Co Bayden Mastercard-ın keçmiş rəhbəri Ajay Banqu-nun Dünya Bankının yeni prezidenti təyin edilməsini təklif edib .

Banqa, "tarixin bu kritik anında" Dünya Bankına rəhbərlik etmək üçün unikal mövqeyə sahib olduğunu söylədi.

Amerika lideri həmçinin qeyd edib ki, Banqa üç onillikdir ki, uğurlu qlobal şirkətlər qurur və idarə edir, iş yerləri yaradır və inkişaf etməkdə olan ölkələrə investisiya gətirir.