Mərakeşdə baş verən zəlzələ nəticəsində ölənlərin sayı 2681 nəfərə çatıb.

"Unikal" xəbər verir ki, bu barədə ölkənin Daxili İşlər Nazirliyi məlumat yayıb.

Qeyd edək ki, sentyabrın 9-na keçən gecə Mərakeşdə 7 bal gücündə zəlzələ baş verib.

*** 14:46

Mərakeşdə zəlzələ nəticəsində ölənlərin sayı 2500-ə çatır.

"Unikal" xarici mətbuata istinadən xəbər verir ki, hadisə nəticəsində 2497 nəfər ölüb, 2 400 nəfər yaralanıb. Ölən və yaralıların sayının artacağı istisna olunmur.

Xatırladaq ki, sentyabrın 8-dən 9-a keçən gecə Mərakeşdə 7 maqnitudalı zəlzələ olub. Yeraltı təkanların episentri Mərakeş-Safi bölgəsinə daxil olan Əl-Hauz əyalətində yerləşən İgil bölgəsinə düşüb. Zəlzələnin ocağı 8 km dərinlikdə yerləşib.