Türkiyə prezidenti Rəcəb Tayyib Ərdoğan İsrailin baş naziri Binyamin Netanyahunu növbəti dəfə sərt tənqid edib.

"Unikal" xəbər verir ki, o, Netanyahunun Beynəlxalq Cinayət Məhkəməsində (ICC) mühakimə olunmalı olduğunu açıqlayıb.

Xatırladaq ki, oktyabrın 7-də HƏMAS-la İsrail arasında döyüşlər başlayandan sonra Ərdoğan dəfələrlə yəhudi dövlətinin hökumətini və baş nazirin özünü sərt tənqid etmişdi.

Fələstinlilərə dəstək verən Türkiyə lideri İsrailin Qəzza zolağında hərbi və insanlığa qarşı cinayətlər törətdiyini bəyan edib.

İsrail əleyhinə mövqe sərgiləyən Ərdoğan hətta Türkiyədə Fələstin xalqına dəstək aksiyası da təşkil edib.