ABŞ-nin Ankaradakı keçmiş səfiri və Suriya üzrə xüsusi nümayəndəsi Ceyms Ceffri Türkiyəyə F-16-ların satışı ilə bağlı Vaşinqtona çağırış edib.

"Unikal" xəbər verir ki, keçmiş səfir “ABŞ bu mövzuda sürətli addımlar atmalıdır” deyib.

ABŞ-nin Ankaradakı keçmiş səfiri Ceyms Cefri prezident Rəcəb Tayyib Ərdoğanın İsveçin Türkiyə Böyük Millət Məclisində NATO üzvlüyünün təsdiqlənməsi və Türkiyəyə F-16 satışının ABŞ Konqresində təsdiqlənməsi istiqamətində eyni vaxtda addımlar atmaq təklifini dəyərləndirib.

“Bu, Birləşmiş Ştatlar üçün, Türkiyə üçün, Amerika sənayesi üçün, NATO-nun müdafiəsi üçün yaxşıdır və əlbəttə ki, İsveçin NATO-ya üzvlüyünə kömək edəcək. Mən başa düşmürəm ki, biz bu söhbətlərin hansı tərəfindəyik, amma sürətlə irəliləməliyik. ABŞ-nin F-16 satış müqaviləsini hələ də yekunlaşdırmaq üçün addım atmaması qalmaqaldır" ”, - deyə Ceffri bildirib.

"Prezident Ərdoğan İsveçin NATO-ya üzvlük protokolunu imzalayıb parlamentə göndərdi və Türkiyə Böyük Millət Məclisi də bu barədə düşünür. Anladığım odur ki, Parlament ABŞ-nin F-16-larla nə edəcəyi barədə əlavə məlumat vermədən davam etməyəcək və mən bunu başa düşürəm. Ona görə də top ABŞ tərəfindədir və biz indi hərəkətə keçməliyik”, - deyə Ceffri nitqini yekunlaşdırıb.