BMT Təhlükəsizlik Şurasının bazar ertəsi yeni Yaxın Şərq qətnaməsinə səs vermək üçün toplanacağı gözlənilirdi, lakin bu qətnamə qurumun dekabrın 18-nə planlaşdırılan proqramından çıxarılıb.

"Unikal" xəbər verir ki, BMT Təhlükəsizlik Şurası dekabrın 19-da Fələstin-İsrail münaqişəsinə dair yeni ərəb qətnamə layihəsini səsverməyə çıxarmaq niyyətindədir, dekabrda quruma sədrlik edən Ekvadorun BMT-dəki daimi nümayəndəliyi jurnalistlərə bildirib.

 “BƏƏ-nin tələbi ilə BMT TŞ Sədrliyi hazırda Yaxın Şərq üzrə görüşü sabah səhərə təyin etmək üzərində işləyir”, - Daimi Nümayəndəlik bildirib.

BƏƏ, Misir və Fələstinin sponsorluğu ilə hazırlanan sənəd 16 bənddən ibarətdir və Qəzza zolağına humanitar yardım axınının artırılmasına yardım etmək məqsədi daşıyır. Qətnamə layihəsində, xüsusilə, keçid məntəqələri vasitəsilə Qəzza zolağına humanitar yardım axınının asanlaşdırılması, anklavın “mövcud ehtiyaclarını ödəmək üçün kifayət qədər” yanacaq tədarükü, BMT obyektlərinin və personalının mühafizəsi tələb olunur.  Bundan əlavə, sənəd bütün tərəfləri Qəzza zolağında humanitar obyektləri qorumaq üçün münaqişənin aradan qaldırılması mexanizmlərindən istifadə etməyə çağırır. Qətnamə layihəsində həmçinin “hümanitar hüququn hər hansı pozuntusu, o cümlədən mülki şəxslərə və obyektlərə ayrıseçkilik etmədən hücumlar, mülki şəxslərə qarşı zorakılıq, habelə terror aktları qətiyyətlə pislənir”.