"Barselona"nın prezidenti Joan Laporta mövsümün sonunda klubun baş məşqçisi Xavini istefaya göndərməkdə qərarlıdır.

"Unikal" xəbər verir ki, bu barədə "Marca" məlumat yayıb.

Laporta məşqçinin komandaya kifayət qədər inanmamasından narazıdır. “Barselona” prezidenti Xavinin klubun tələblərinə cavab vermədiyini anlayıb. O düşünür ki, Xavi bu səbəbdən komanda heyətini təkmilləşdirə bilmir.

Funksioner hesab edir ki, Xavi gələn mövsüm kluba rəhbərlik etməməlidir. Laporta Kataloniya təmsilçisinin sükanı arxasında komandaya və onun titullar qazanmaq və Avropanın böyükləri ilə rəqabət aparmaq qabiliyyətinə tam inanan bir məşqçi görmək istəyir.

Xavi də öz növbəsində gələn mövsüm karyerasını "Barselona"da davam etdirmək istəyində möhkəmdir.

Xatırladaq ki, “Barselona” La Liqada 82 xal toplayaraq mövsümü 2-ci pillədə başa vurmağı təmin edib. Komanda çempionatın son turunda "Sevilya" ilə qarşılaşacaq.