Ukrayna prezidenti Volodimir Zelenski deyib ki, Ukraynanın gələn il müharibəni bitirmək üçün hər cür şansı var. Ancaq əvvəlcə ABŞ-nin yeni seçilmiş prezidenti Donald Trampın müharibəyə son qoymaq üçün hansı təklifləri olduğunu öyrənməlidirlər.
"Unikal" xəbər verir ki, Zelenskinin sözlərinə görə, onun belə bir imkan yanvarda olacaq.
“Biz təkliflərə açığıq, mən bunu bir daha deyirəm. Yeri gəlmişkən, Afrika, Asiya və ərəb dövlətlərinin liderlərinin də təkliflərini görməyə hazırıq. Mən Amerika Birləşmiş Ştatlarının yeni prezidentinin təkliflərini də görmək istəyirəm. Düşünürəm ki, biz bu təklifləri yanvarda alacağıq”, - deyə Zelenski bildirib.
O əlavə edib ki, bundan sonra Ukraynanın Rusiya ilə müharibəni bitirmək planı olacaq.
