Sabirabadda baş verən qəzada yaralıların şəxsiyyəti məlum olub.

"Unikal"ın məlumatına görə, qəza nəticəsində Sakit Hüseynov, Nuray Umudova və Əli Umudov xəsarət alıb. Onlar Şirvan Şəhər Mərkəzi Xəstəxanasına yerləşdirilib. 

Həkimlər onların səhhətinin orta ağır olduğunu bildirirlər.

Faktla bağlı araşdırmalar davam etdirilir. 

Hadisə ilə bağlı DİN-in Mətbuat Xidmətinin Şirvan regional qrupunda sorğumuza cavab olaraq bildirilib ki, qeyd edilən yol-nəqliyyat hadisəsi bu gün səhər saatlarında Sabirabad rayonunun Qarağac kəndi ərazisində baş verib.  “Daewoo” və “Toyota” markalı nəqliyyat vasitələrinin toqquşması nəticəsində 3 nəfər - S.Umudov, M.Hacıyev və S.Abuzərova vəfat edib, 3 nəfər sərnişin isə müxtəlif dərəcəli bədən xəsarətləri alaraq xəstəxanaya yerləşdirilib.

Faktla bağlı Sabirabad RPŞ-də araşdırmalar aparılır.

***

09:39

Sabirabad rayonunda baş verən yol qəzasında 3 nəfər həyatını itirib.

"Unikal"ın məlumatına görə, hadisə bu gün rayonun Qarağac kəndi ərazisində qeydə alınıb.

Belə ki, baş verən yol qəzası zamanı Sabirabad rayon sakinləri - Umudov Samir Qurbanqulu oğlu, Hacıyev Manaf Poladxan oğlu və Şirvan şəhər sakini, Abizərova Salatı Rəhman qızı ölüb.

Hadisə nəticəsində xəsarət alan iki nəfər isə Şirvan şəhər Xəstəxanasına yerləşdirilib.

Faktla bağlı araşdırma aparılır.

Xəlil Əliyev