Aİ diplomatiyasının rəhbəri Kaya Kallas deyib ki, Avropa zorakılığın artmasından və Suriyadan yeni qaçqın axınından qorxur.
"Unikal" xəbər verir ki, onun sözlərini “Politico” qəzeti sitat gətirib.
"Hər kəs vətəndaş müharibəsinin təkrarlanmamasından, azlıqlara qarşı zorakılığın olmamasından və yeni qaçqın axınının, fərqli qaçqınların olmayacağından narahatdır", - deyə Kallas qeyd edib.
O əlavə edib ki, bəzi suriyalı qaçqınlar qonşu ölkələrdən qayıdır. Kallas aydınlaşdırıb ki, Aİ suriyalılar üçün demokratiya qura bilməz, onlar bunu özləri etməlidir, lakin Avropa suriyalılara kömək edə bilər.
