Aprelin 3-də saat 23:40 radələlərində 3 nəfər (1 kişi cinsli, 2 qadın cinsli) təcili tibbi yardım avtomobili ilə Gəncə Şəhər Birləşmiş Xəstəxanasının nəzdində olan tibb müəssisələrinə hospitalizasiya olunub.

TƏBİB-dən "Unikal"a verilən məlumata görə, 2006-cı il təvəllüdlü şəxs (qadın cinsli) Akademik Z.Məmmədov adına xəstəxanaya hospitalizasiya olunub. Ona başın çapılmış yarası diaqnozu təyin edilib və zəruri tibbi yardımlar göstərilib. Vəziyyəti qənaətbəxş olan şəxs ambulator müalicə üçün evə buraxılıb.

2 nəfər isə Abbas Səhhət adına xəstəxananın Təcili tibbi yardım şöbəsinə hospitalizasiya olunub. 1999-cu il təvəllüdlü şəxsə (qadın cinsli) sağ göz altının hematoması diaqnozu təyin edilib. Zəruri tibbi yardım göstərilən pasiyentin vəziyyəti stabil qiymətləndirilib və ambulator müalicə üçün evə buraxılıb.

Alın nahiyəsinin çapılmış yarası diaqnozu təyin edilən 1993-cü il təvəllüdlü şəxsə (kişi cinsli) zəruri tibbi yardım göstərilib. Hazırda müalicəsi müvafiq şöbədə davam etdirilir, vəziyyəti stabildir.

*** 01:15

Gəncədə qəzada ölən və yaralananların adları məlum olub. 

"Unikal" xəbər verir ki, qəza zamanı 1973-cü il təvəllüdlü Cabbarov Talıb dünyasını dəyişib. 1999-cü il təvəllüdlü Z.Hüseynova,1993-cü il təvəllüdlü M. Hüseynov, 2006-cü il təvəllüdlü G Cabbarova isə xəsarət alıblar.

*** 00:21

Gəncədə qəza olub, ölən və xəsarət alan var.

"Unikal"ın məlumatına görə, hadisə şəhərin "Sovxoz dairəsi" adlanan  ərazidə qeydə alnıb. Hərəkətdə olan iki avtomobil toqquşub. Qəza zamanı 1 nəfər hadisə yerində ölüb, bir neçə nəfər xəsarət alıb. 

Faktla bağlı araşdırma aparılır.

Tural Əhmədov