"Yeni qanunun qəbulu enerji resurslarına qənaət edilməsinə, ətraf mühitə atılan emissiyaların azaldılmasına səbəb olacaq. Düzgün qeyd olundu ki, qaz sərfiyyatı azalacaq. Eyni zamanda, bu sahəyə özəl sektorun, investisiyların cəlb olunmasına şərait yaradacaq".

"Unikal" xəbər verir ki, bunu Milli Məclisin bu gün keçirilən iclasında müzakirəyə çıxarılan “İstilik təchizatı haqqında” qanun layihəsinin müzakirəsi zamanı energetika nazirinin müavini Orxan Zeynalov deyib.

"Qanun qüvvəyə mindikdən sonra əsas məqsəd çoxmənzilli yaşayış binalarına aid mənzillərin vahid istilik mənbəyindən təmin olunmasıdır", - deyə nazir müavini bildirib.

Anar Kəlbiyev