Xəbər verdiyimiz kimi, Yekaterinburqdakı diaspor rəhbəri Şahin Şıxlinski həbs edilib.

"Unikal" xəbər verir ki, saxlanılarkən Şahin Şıxlinski təhqir edilib, onu yıxıb yerlə sürüyüblər və döyüblər. Bununla bağlı görüntülər sosial şəbəkədə yayılıb. 

*** 20:35

Voronejdə Rusiyanın Federal Təhlükəsizlik Xidmətinin əməkdaşları regionun ən böyük Alekseyevski bazarının şərikli sahibi Yusif Xəlilovu, Yekaterinburqdakı Azərbaycan diasporunun lideri Şahin Şıxlinski və oğlu Mutvali Şıxlınskini, həmçinin “Lukoyl” şirkətlər qrupunun Uraldakı istehsalat birliyinin rəhbəri Əhməd Hacıyevi saxlayıblar.

"Unikal" xəbər verir ki, bu barədə Rusiya KİV-i məlumat yayıb. 

İnternetdə xüsusi təyinatlıların Xəlilovun malikanəsinə basqın edərək onu üzüstə yerə yıxdığı görüntülər yayılıb.

Xəlilovun Voronej vilayətindəki Azərbaycan diasporunun əməkdaşı olduğu bildirilir.

Hələlik başqa təfərrüatlar və ya rəsmi şərh yoxdur.