Turkish Airlines" aviaşirkəti Bakı və Gəncə istiqamətləri də daxil olmaqla İstanbuldan 7 yanvar tarixinə planlaşdırılan 395 daxili və xarici reysi təxirə salıb.

Unikal.org xəbər verir ki, buna Türkiyənin qərb hissəsinə yağan güclü qar və pis hava şəraiti səbəb olub.

Təxirə salınan aviareyslər "Atatürk" (İstanbulun Avropa hissəsi) və "Səbiha Gökçan" aeroportlarından (Şəhərin Asiya hissəsi) yerinə yetirilməli idi.

İstanbuldan Bakıya "TK 338" saylı, Gəncəyə isə "TK 328" aviareyslər təxirə salınıb. Hər iki reyslə uçmalı olan təyyarələr bu gün səhər saatlarında Azərbaycanda eniş etməli idilər.

Atatürk Beynəlxalq Hava Limanı hava şəraiti ilə əlaqədar aviaəlaqə üçün tamamilə bağlanıb.istipress