Bütün dünyada qaçqınlara dəstək göstərmək və onların hüquqlarını müdafiə etmək lazımdır.

Unikal.org-un məlumatına görə, bunu BMT-nin baş katibi Antoniu Quterreş iyunun 20-də qeyd olunan Ümumdünya qaçqınlar günü münasibətilə müraciətində deyib.

Müraciət 8 dildə yayılıb.

A.Quterreş qeyd edib ki, daha az imkanlara malik ölkələr qaçqınlara daha çox yardım göstərir: "Gəlin birgə səylərlə hər bir insana daha yaxşı gələcək qurmasına kömək göstərək.

Qeyd edək ki, BMT-nin hesabatına əsasən, 2016-ci ildə məcburi köçkünlərin sayı 65,6 milyon nəfərə çatıb.