Tailandda 30 yaşlı belçikalı turist qadın Eliza Dallamanqeinin ölümünü təfərrüatları araşdırılır. Varanlar tərəfindən yeyilən Elizanın cəsədinin qalıqları aprelin sonlarında Tau adasında tapılıb.

Unikal.org-un Metro nəşrinə istinadən məlumatına görə, polis qadının ailəsinə bildirib ki, Eliza intihar edib, lakin onlar inanmayıblar.

Elizanın şəxsiyyətini stomatoloji ekspertizadan sonra müəyyənləşdirmək mümkün olub.

Qadının valideynləri bildiriblər ki, son vaxtlar o, dünya üzrə səyahət edirdi və yoqanı öyrənirdi. Sonuncu dəfə Belçika vətəndaşı valideynləri ilə ölümündən bir neçə gün əvvəl Skype vasitəsi ilə əlaqə saxlayıb və hər şeydən razı olduğunu bildirib.

Jurnalistlər ehtimal edirlər ki, Tailand polisi qadının ölümünün əsl səbəblərini turistləri qorxutmamaq üçün açıqlamırlar.

Son üç ildə Tau adasında yeddi nəfər varanların qurbanı olub. Bu sürünənlərin uzunluğu üç metrə qədər çatır.