Tailand sakini lotereyadan 1,3 milyon dollardan çox məbləğ udduqdan sonra evində ölü tapılıb.

Unikal.org xarici mediaya istinadən xəbər verir ki, hadisə yerinə baxış keçirilərkən meyitin üzərindən məktub tapılıb. Məktub üzrxahlıq məzmununda olub.

Mərhum yazıb ki, lotereyada böyük məbləği udduqdan sonra bu hadisəni öz yaxınları ilə qeyd edib. Amma daha sonra həmin uduşlu lotereya biletini itirdiyini aşkar edib.

Məlum olub ki, nəticədə həmin şəxs öz yaxınlarına üzrxahlıq məktubu yazaraq intihar edib.