Azərbaycanda FETÖ-ya üzv olmaqda təqsirləndirilərək həbs edilən İsa Özdəmirin öz ölkəsinə ekstradisiya edilməsi ilə bağlı Ədliyyə Nazirliyinin təqdimatına baxılıb.

Unikal.org lent.az-a istinadən xəbər verir ki, Bakı Ağır Cinayətlər Məhkəməsində hakim Fikrət Qəribovun sədrliyi ilə keçirilən prosesdə qərar elan edilib.

Hakimlər Kollegiyasının qərarına əsasən, təqdimat təmin edilməyib və ekstradisiyadan imtina edilib.

İsa Özdemir məhkəmə zalından azadlığa buraxılıb.

Qeyd edək ki, İsa Özdemir FETÖ təşkilatına üzv olmaqda ittiham edilir. O, 1993-cü ildən Azərbaycanda yaşayıb. Lakin Türkiyə tərəfi onun barəsində axtarış elan edib. O, Bakıda saxlanılıb. Türkiyə tərəfini onun ölkəsinə təhvil verilməsini tələb edib.