Bakıda keçirilən cüdo üzrə dünya çempionatında təmsilçimiz Hidayət Heydərov bürünc medal qazanıb.

 Unikal.org xəbər verir ki, açıqlama verən Heydərov qazandığı uğurdan söz açıb:

"Bu mənim cüdo üzrə böyüklər arasında dünya çempionatında ilk medalımdır. Yarımfinalda rəqibim dünya çempionu Soiçi Haşimoto idi. Təəssüf ki, güclü yaponiyalı idmançı məndən üstün oldu. Prezidentimiz İlham Əliyevin yarışı izləməsi mənə əlavə güc verdi. Bürünc medal uğrunda mübarizədə Monqolustan idmançısı Tsoqtbaatar Tsend-Oçirə qalib gəldim. Bakıda medal qazandığım üçün çox sevinirəm. Bu, karyeramda ən böyük uğurumdur".

H.Heydərov son təsəlliverici görüşdə monqolustanlı Tsoqtbaatar Tsend-Oçiri məğlubiyyətə uğradıb və bürünc medal əldə edib. "Bakı 2017 IV İslam Həmrəyliyi Oyunlarının qalibi olan idmançı, Avropa çempionu tituluna malikdir.