Son günlər ölkə ərazisində hava şəraitinin qeyri-sabit və kəskin keçməsi, intensiv yağıntıların düşməsi səbəbindən bir sıra yaşayış məntəqələrində bəzi fərdi yaşayış evləri, həyətyanı və əkin sahələri, digər obyektlər və onların ətrafı subasmaya məruz qalıb.

"Unikal"ın Fövqəladə Hallar Nazirliyinə istinadən verdiyi məlumata görə, yağıntıların törətdiyi fəsadların aradan qaldırılması üçün dərhal ərazilərə cəlb olunmuş Fövqəladə Hallar Nazirliyinin müvafiq qüvvələri tərəfindən su basmış ərazilərdə xilase

Belə ki, gün ərzində Xaçmaz rayonunun Meşəli qəsəbəsində, Füzuli rayonunun Aşağı Yağlıvənd kəndində, Masallı rayonunun Köhnə Alvadı kəndində, Cəlilabad şəhəri və rayonun Göytəpə şəhəri və Təzəkənd kəndində müvafiq olaraq suçəkmə və təxliyə tədbirləri həyata keçirilib.

Ümumilikdə gün ərzində FHN-in qüvvələri tərəfindən Masallı və Cəlilabad rayonlarının su basmış ərazilərindən 12 nəfər və qarlı-şaxtalı havada Siyəzən rayonunda dağda yolu azaraq köməksiz vəziyyətdə qalmış 4 nəfər təhlükəsiz əraziyə təxliyə edilərək xilas olunub.