İslam İnqilabı Keşikçiləri Korpusunun (SEPAH) komandiri Hasan Sayad Xodayariyə qarşı edilən sui-qəsdin təfərrüatları məlum olub.

"Unikal"ın İRNA-ya istinadən verdiyi xəbərə görə, naməlum şəxslər polkovnikə Tehranda evinin qarşısında 5 atəş açıb. 

Bundan sonra motosikletli iki şəxs hadisə yerindən qaçıb.

Hazırda hüquq-mühafizə orqanları onları axtarır.

xxx

19:36

İran İslam İnqilabı Keşikçilər Korpusunun (SEPAH) komandirlərindən biri Hasan Sayad Xodayari bu gün qətlə yetirilib.

"Unikal" xarici KİV-ə istinadən xəbər verir ki, o, naməlum şəxslər tərəfindən hücum edilərək öldürülüb. 

SEPAH-ın yaydığı məlumata görə, hərəm müdafiəçisi olan H.S.Xodayi terror hücumu nəticəsində paytaxt Tehranın "Mücahidine İslam" küçəsində öldürülüb.

Ağarza Elçinoğlu