Nigeriyanın cənub-qərbində katolik kilsəsinə edilən silahlı hücum nəticəsində qadın və uşaqlar da daxil olmaqla ən azı 50 nəfər həlak olub. 

"Unikal"ın "Reuters"ə istinadən verdiyi xəbərə görə, hadisə Ondo ştatında baş verib. Polis sözçüsü Funmilayo İbukun Odunlami bildirib ki, silahlılar Ovo şəhərindəki Müqəddəs Fransisk kilsəsinin qarşısında və binanın içərisində atəş açıblar.

Ovodakı xəstəxana həkimi hücumdan sonra ən azı 50 cəsədin iki şəhər xəstəxanasına çatdırıldığını bildirib. Onun sözlərinə görə, yaralıların müalicəsi üçün çoxlu qan donoruna ehtiyac var.

Ağarza Elçinoğlu