Alp dağlarının zirvəsində dostunun fotosunu çəkmək istəyən şəxs yıxılaraq həyatını itirib.

"Unikal" xəbər verir ki, polisin verdiyi məlumata görə, 77 yaşlı alman kişi və onun 63 yaşlı ispan qadın dostu dəniz səviyyəsindən 2870 metr yüksəklikdə, Alp dağlarının ərazisinə, Avstriya-İsveçrə sərhəddinə yürüş ediblər.

Zirvədə dostunun fotosunu çəkdikdən sonra müvazinətini itirən şəxs təxminən 60 metr hündürlükdən yıxılaraq dünyasını dəyişib.

Ölən şəxsin cəsədi düşdüyü yerdən polis helikopteri tərəfindən çıxarılıb.