Türkiyə Futbol Federasiyasının İstanbuldakı baş ofisinə hücum etməkdə şübhəli bilinən iki şəxs polis tərəfindən saxlanılıb.

"Unikal" xəbər verir ki, bu barədəTürkiyənin Daxili işlər naziri Suleyman Soylu mətbuata açıqlamasında bildirib.

O, saxlanılan şəxslərin sərxoş olduqlarını qeyd edib.

!9:55

Türkiyə Futbol Federasiyasının Rivadakı binasına silahlı basqın edilib.

"Unikal" xəbər verir ki, hücumun TFF-də idarə heyəti toplantısı zamanı baş verdiyi bildirilib. Kamera qeydləri araşdırılıb.

TFF İdarə Heyətinin bu gün keçirilən iclasında Riva Obyektlərinin düz yanındakı dərənin kənarından binaya atəş açılıb. İclasın keçiriləcəyi hissəni və prezident mərtəbəsinin yerləşdiyi ərazini hədəf alan hücumda xəsarət alan olmadığı məlum olub. Binaya 5 güllənin dəydiyi bildirilib. Hadisə yerində araşdırma aparan təhlükəsizlik qüvvələri Rivada bütün kameraları araşdırıb və hücum edənlərin hadisə yerindən bir vasitə ilə qaçdığı bildirilib.

TFF binasına planlaşdırılan hücumun aşağı mərtəbədə yerləşən prezident aparatı və idarə heyətinin otağında baş verdiyi qeydə alınıb. Güllələrdən birinin Hamit Altıntopun başından keçdiyi öyrənilib.