Avropa İttifaqı (Aİ) Avropa Komissiyasının iyun ayında elan etdiyi planın bir hissəsi kimi gələn həftə Ukraynaya 5 milyard avroluq növbəti yardım paketini təqdim edəcək.

"Unikal" xəbər verir  ki, bu barədə Avropa rəsmilərinə istinadən "Bloomberg" agentliyi məlumat yayıb.

Ayrılan vəsait Ukrayna vətəndaşlarına maaş və müavinətlərin ödənilməsi də daxil olmaqla, təcili və təxirəsalınmaz xərclərin ödənilməsi üçün nəzərdə tutulacaq. Qeyd olunur ki, Aİ nümayəndələri onlayn rejimdə keçirilən görüşdə yeni paketin təfərrüatlarını razılaşdırıblar, həmçinin Ukraynaya qalan 3 milyard avroluq makroiqtisadi yardımın verilməsi mexanizminin işlənib hazırlanmasını davam etdirməyə razılaşıblar.